 SEMINARIO APÍCOLA EN ARZÚA
Enviado por paula o Martes, 7 de Outono do 2008 (17:37:00)
Contribución de paula
Lugar: Centro do Queixo e do Mel. ARZÚA
Temática: A comercialización do mel polos pequenos envasadores
Datas: 25 e 26 de outubro de 2008
Organiza: Asociación Galega de Apicultura AGA. Financia o SLG por medio do Fondo social europeo.
Convocados: Pequenos envasadores de mel (con denominación e sin ela)
Presentación
Os pequenos envasadores autorizados, tanto inscritos en Mel de Galicia ou non, teñen unha problemática propia a hora de comercializar o seu mel, nin son grandes dabondo para comercializar nas cadenas de alimentación e tamén están en inferioridade de condicións na realización da venda directa ou en circuitos cortos xa que este consumidor prefire o mel cunha etiqueta máis personalizada ca de mel de Galicia e mesmo o prefire sen etiqueta.
A Asociación Galega de Apicultura AGA é conscente desta problemática e organiza este seminario co fin de facer unha posta en común da situación e mellorar as condicións de comercialización por parte deste colectivo.
Día 25 de outubro
PROGRAMA:
As 11 da mañá:
Recepción de participantes e visita as instalacións do Centro do Queixo e do mel
A continuación
1.-Novos produtos que se poden preparar para a axuda a comercialización
Mel crema e derivados: Mel con xalea. Mel con pole. Mel con propole.Mel con cacao
Mel con froitos secos
2.-Outros produtos que poidan ofrecer outros envasadores
3.-Novos envases para o mel:
-Antigoteo.
-Envases máis grandes
-Envases máis pequenos
As 12, mesa redonda:
-Problemática da comercialización do mel polos pequenos envasadores.
Os envasadores poderán explicar a súa problemática, un por un e facer propostas.
As 14 horas
Xantar
As 16 horas:
- Presentación da rede social da apicultura galega, posibilidades de integración nesta rede
-Centros de divulgación apícola . Apiturismo.Rutas das abellas e do mel. Rede de feiras do mel en Galicia.
-Axudas e subvencións da administración
- As 17 horas
Conclusións
-As 18 horas
Visita ao Enredo do Abelleiro
Día 26 de outubro
PROGRAMA:
Viaxe de visitas a centros de divulgación das abellas e do mel
As 10 horas
-Saída de Arzúa en autobús para visitar a Casa das abellas en Abegondo.
Programa:
As 11 horas:
A divulgación do mundo apícola entre os escolares.
As visitas de maiores ao centro de divulgación apícola
Contido da tenda apícola
-As 13 horas saída para Goente. As Pontes
-As 14 horas xantar nas Neves
-As 16 horas visita a Casa do Mel, Goente. As Pontes
Programa:
Taller de velas de cera
Taller de elaboración de cosmética apícola
- As 18 horas regreso a Arzúa. Fin da viaxe
Notas:
1.- Os interesados deberán apuntarse chamando aos nosos teléfonos:
981 508 142 ou 981 589534. Antes do día 20 de outubro.
1.- Para a financiación dalgúns gastos será necesario que firmedes algún papel, traede o número que teñades de seguridade social, de calquera rexime que sexa.
2.- O número de plazas é limitado, polo tanto terán preferencia os socios de AGA, e do SLG, en caso de faltar plazas.
3.- Os gastos, do xantar dos dous días, o autobús e a entrada ao Enredo do Abelleiro, será con cargo ao seminario e polo tanto será gratuíto para os asitentes.
4.- Se alguén quere quedarse a dormir en Arzúa, o día 25, que o comunique que se lle buscará lugar onde facelo.
|
|
| |
 |
Votos do Artigo |
 |
|
Puntuación Promedio: 0
votos: 0
|
|
|
 |
|
Inicio(Noticias) :
Membros :
Comunidade :
Estadísticas :
