 DÍA DO APICULTOR 2010 - ASAMBLEA DE AGA
Enviado por paula o Martes, 12 de Xaneiro do 2010 (13:39:39)
Contribución de paula
06 de febreiro 2010
Centro do Mel - Arzúa
Imos dar conta do programa de AGA “Abellas resistentes á varroa” e convidar a máis abelleiros/as a que se sumen a este programa. Tamén haberá unha disertación sobre o tratamento integral contra as enfermidades das abellas, varroa e podremia americana. De Bruxelas virá unha representación da Coordinadora Europea dos Apicultores para comentarnos as accións que se están levando a cabo sobre a síndrome de desaparición das abellas, AGA pertence a esta coordinación.
Tamén é o día da Asemblea xeral de AGA con eleccións á nova Xunta Directiva, e imos dar a coñecer o programa do 2.º Foro Apícola conmemorativo do 30 aniversario de AGA.
Por todo isto convidámosvos a asistir e participar no “Día do Apicultor”.
Programa:
Ás 11 horas : Mesa redonda sobre:
— Loita integral contra enfermidades das abellas, por Antonio Gómez Pajuelo, consultor apícola de Castellón.
— Programa alternativo de loita contra a varroa, por Gonzalo Calvo e Marcos Varela, do Equipo Técnico Sanitario (ETS) de AGA.
— A Coordinadora Europea dos Apicultores e a síndrome de desaparición das abellas, por Noa Simón, do equipo técnico da Coordinadora en Bruxelas.
Ás 13 horas : Asamblea xeral de AGA.
Durante todo o día haberá feira de material apícola e podedes traer cera para reciclar e cambiar por láminas e tamén poderedes adquirir os materiais subvencionados polo Plan Apícola. Se algún que non entregou estas follas, 1, 4 e 9 do caderno, e quere facelo ese día, intentaremos metelo no Plan 2010. CONVOCATORIA ASAMBLEA XERAL DE AGA
Día 6 de febreiro de 2010. Centro do Mel, Arzúa.
Hora: 13 horas
Orde do día:
1.— Lectura e aprobación, de proceder, da acta anterior.
2.— Resumo de actividades realizadas durante o ano 2009.
3.— Balance económico.
4.— Eleccións á nova Xunta Directiva co seu programa e
orzamento para o ano 2010.
5.— Rogos e preguntas.
NOTA: Segundo o artigo 23.2 dos estatutos de AGA, as candidaturas que queiran presentarse ás eleccións deberán remitirse á sede de AGA, con programa de actividades e orzamento, con dez días de antelación á Asemblea xeral; polo tanto deberán estar na sede de AGA antes do día 28 de xaneiro de 2010.
Seguros apícolas
Os socios e as socias de AGA poden chamar por teléfono para renovar a póliza de seguros, o último día para facelo será en Arzúa o 7 de febreiro. Tel.: 981 508 142 de AGA, de 10-14 horas e de 16-18 horas.
Material subvencionado polo Plan Apícola
Fondos de rede, láminas de cera e outros materiais, que poderán recoller en: Arzúa, a diario, o Día do Apicultor ou o Día da Mostra. En Ourense, en Apícola González Carballal, a diario.
Máis información: Tel.: 981 508 142 e 630 069 637, e-mail: aga@queixoemel.org
Web: www.apiculturagalega.org
|
|
| |
 |
Votos do Artigo |
 |
|
Puntuación Promedio: 5
votos: 1
|
|
|
 |
|
Inicio(Noticias) :
Membros :
Comunidade :
Estadísticas :
