A Casa do Mel, atópase no centro xeográfico da Comarca do Eume, nunha das entradas do Parque Natural das Fragas do Eume, en Goente - As Pontes.

Xestionada por socios da Asociación Galega de Apicultura da delegación da comarca do Eume, nesta casa museo fanse distintos traballos en prol dun mellor coñecemento das abellas e do seu mundo, así coma unha laboura de divulgación e formación entre os distintas persoas que acoden a visitarnos: grupos de escolares, particulares ou profesionais e aficionados á apicultura.

A Casa do Mel dispón nas suas instalacions de varias salas de exposicions, así coma unha sala de extracción e envasado do mel e tamén dunha sala de conferencias.

Obxectivos da Casa do Mel

• A divulgación e a sensibilización do mundo das abellas entre os visitantes as súas exposicións, fundamentalmente os escolares e outros grupos, de onde sairán os nosos futuros apicultores e consumidores destes productos naturais.
• Ofrecer ós nosos visitantes algo natural, tal e como o fan as nosas abellas.
• Apoiar tecnicamente os apicultores, mellorando os seus coñecementos para axudarlles a desenvolver ás súas explotacións, tanto cuantitativa como cualitativamente, na producción do mel e productos da colmea.
  

Instalacions

• Salas de exposicións:
  • Obradoiro tradicional do mel.
  • Obradoiro de cera.
  • Colmea acristalada onde se pode ollalo traballo das abellas directamente.
  • Panéis informativos e programas informáticos interactivos nos que se presentan os distintos aspectos da apicultura (morfoloxía das abellas, bioloxía, plantas melíferas, tipos de colmeas, productos da colmea, etc ...)
• Sala de extracción e envasado do mel.
• Sala de conferencias e proxeccions.

Horario

• A Casa do Mel permanece aberto os Sábados e Domingos en horario de 16.00 h as 21.00 h. dende o 15 de xuño ó 15 de setembro.
• O resto do ano somentes os Sábados de 16.00 h as 21.00 h.
• De tódolos xeitos é posibel concertar visitas en calquera outra data chamando por teléfono ou ben por correo electrónico.